告別xanga

兩口子都病了

又病 ... .. 係呀 ! 一個月第二次, 今次是發燒, 忽冷忽熱 + 喉嚨發炎 . 請了半日sick leave ( 公司有規定一個月請假多過一日要扣$,  所以睇完就即刻返公司報到 ) ., 我想只是小病, 好快就好了.  

是我自找的.  上星期男朋友病了一星期都是同一病徵, 我仍要死痴他呵他. 結果佢未好番就到我病.

雖然我知佢有病菌, 不過我覺得佢病左而我隔離佢甘就會好慘. 所以次次佢病時, 我都特別錫佢多d. 俾多d關心佢.

今日男朋友想睇第三次西醫. 佢話重有少少喉嚨痛.  我雖然唔太舒服, 但都極度勸阻佢轉下睇中醫. 因為無可能喉嚨發炎都可以食足一星期西藥都未好.  加上佢特別容易累, 過去一星期佢都無厘神氣, 唔想出街, 成日話累, 連食飯都無心機,  我更加唔想佢再唔 genki下去.

不過都係時候學下點體晾同照顧下對方. 無論係邊個有事時, 都要學下點take care佢. 只係睇住對方食藥訓覺係無用,  重要學下同佢睇醫生, 有病時煮/ 買d岩佢食既野. 關心多d直到佢好番. 能夠做到甘, 我覺得我地的關係又可以昇華啦 !  更加唔再係要父母照顧, 而係可以互相扶持的兩口子

十號風球女 - 愛倫

多謝九號颱風 - 鸚鵡, 為各位打工仔帶來一個 Long weekend.

講俾大家知, 我是在十號風球下出世o架 ,  個風叫 - 愛倫

去一去新聞:

1983年9月7日上午５時，香港天文台懸掛1號戒備訊號。次日早上7時45分，天文台改掛3號強風訊號，當天下午4時45分，天文台發出8號東北烈風或暴風訊號。至9月9日淩晨2時改掛10號颶風訊號, 一直懸掛達八個小時。

愛倫導致10人死亡，12人失蹤，333人受傷，1600人無家可歸。新界農作物損失約港幣5000萬。保險業在風災中的賠償在港幣3億元(當年幣值)以上。

在蒲台島碼頭上有一塊碑, 上面刻錄.1983年的颱風愛倫(Typhoon Ellen，8310)，是因為原碼頭給颱風愛倫吹毀, 當局重建碼頭後以作紀念. 。

1983年9月7日, 天文台懸掛1號戒備訊號, 愛倫的風力一直有加無減, 直到9月9日清晨2時, 天文台改掛10號風球後的幾個小時後, 我就出世啦 !  當年我是媽咪的第一胎, 加上風球高掛後, 醫院嚴重不夠醫護人員. 假如我係佢, 都咪話唔驚哩 !

因為自己出生日子特別, 細細個媽咪已當我係風女.  重成日講以後我人生的重要日子都有風雨伴我. 佢重衰到話我將來的人生大事都可以撞中打風.  亦因為甘, 我當時已經決定我一定不會係打風季節完成這件的大事.

但唔知係咪真係甘岩, 我好記得細個去學校旅行, 影畢業相 etc 都真係撞中天氣惡劣的日子.  有人重同我講出國旅行唔好預佢去, 免惡運伴身.

哈哈  我信甘岩ji ...  大個左之後, 這個 " 咀咒" 已經開始遠離我. 近來都再無unlucky伴隨我lu  

奧運熱

中國奧運燒熱得好熱喔

恭喜中國今日破左上紀錄, 勇奪35面金牌

其實之前曾揚言唔會睇奧運 ( 因為自己唔好運動, 而且好怕奧運霸佔哂黃金電視節目 ) 不過開幕個日見到中國甘勁的排場, 加上周年的一片奧運熱話, 睇睇下又真係幾緊張, 又精彩.

而家日日都有緊貼中國隊的走勢. 重坐定定睇左好多場的比賽. 最好睇都係有新水怪菲比斯的游泳 ( 佢快到... 真係睇到眼突突 ) , 郭晶晶的跳水, 男女體操, 重有今日打羽毛球打得好好的林丹....

而我, 都有來嗅番個奧運熱

話說前晚我發夢搖身一變, 做左香港選手, 重代表香港去參加游泳比賽

但我比的賽就勁啦, 游的不是水立方, 而是香港維港 !!!

我夢到自己準備係維港旁烏身跳落水之際,

突然想到香港水域多鯊魚.  就係甘, 臨時退縮.....  失敗而回..

之後就醒左啦... 哈哈

工作情緒

自從個title改左做"senior" 之後. 工作真係忙左好多, 但係好sure唔關轉左title既事. 只係突然多左個新客,

每日都花好多時間填好多vendor forms, quote sheets, check spec, check report, prepare new id drawings etc... 又要睇好多agreements, 睇有關做貨/出貨的procedures. 係email答一大埋沒完沒了既問題.
每日d野都好cher. 只有佢地set你deadline而你set既佢又未必follow.
其他客既單仍然係甘多. 只有好好分配時間. 係公司專心做野唔講甘多 ( 唔講野真係好悶不過我又唔想OT )

做sales&maketing就有d甘既peak同off season.
但我永遠都係我忙的也時候, 先會險討下自己的工作.

我又不抗拒工作忙, 不過要有incentives

同一間公司工作已3年,
大部份人工作都會plan個career path, 不過
我已經唔記得自己幾時開始無再set target俾自己.
因為本身份工的structure就係樣樣都要試要做, 亦都無一個好clear picture俾到我去set target 去衝去博升
亦即係我就算最近title轉左, 但duties同authority根本係無變過.
去到衣個層次, 我想個個都係為左$而工作.
可惜, 我仍然要為人工而擔心  ( as compare 你身邊好友開始大幅度拋離我)
雖然自己物慾唔多, 但人工就是我工作取得成功感的一部份
同埋人大左, 家庭責任多左, 都想搵多個錢養家 

無論如何, 定時定候review一下工作情緒係好事, 起碼我知我想要既 !

P.S:  最近終於發現有一個被外國認受既wedding planner course. 但收費不平,  又沒有CEF資助